Azərbaycan, Bakı, 2 sentyabr /Trend, müxbir Emil İsmayılov/
Azərbaycan Respublikası Dövlət Neft Şirkətinin (ARDNŞ) Marketinq və İqtisadi Əməliyyatlar İdarəsi 2014-cü ilin yanvar-avqust aylarında Türkiyənin Ceyhan limanından 13,91 milyon ton neft ixrac edib. 2013-cü ilin eyni dövründə bu rəqəm 13,48 milyon ton olub.
Trend-in ARDNŞ-yə istinadən verdiyi məlumata görə, Dövlət Neft Şirkəti avqustda Ceyhandan 1,94 milyon tondan çox neft ixrac edib. 2013-cü ilin müvafiq dövründə isə bu rəqəm 1,64 milyon tona bərabər olub.
ARDNŞ ötən il ümumilikdə Ceyhan limanından 19,75 milyon ton neft ixrac edib. 2012-ci ildə isə ixracatın həcmi 20,2 milyon ton olub.
Qeyd edək ki, neft Ceyhan limanına Bakı-Tbilisi-Ceyhan (BTC) neft kəməri ilə tədarük edilir. BTC-nin ümumi uzunluğu 1768 kilometrdir.
