Azərbaycan, Bakı, 28 oktyabr /Trend, müxbir Emil İsmayılov/
Azərbaycanda alternativ və bərpa olunan enerji mənbələrinin ümumi potensialı 12 min meqavatı üstələyir.
Trend-in məlumatına görə, bunu çərşənbə axşamı Bakıda Enerji Tənzimləyicilərinin Regional Assosiasiyasının (ERRA) investisiyalar və enerji tənzimlənməsi üzrə 13-cü illik konfransında Alternativ və Bərpa Olunan Enerji Mənbələri üzrə Dövlət Agentliyinin İnvestisiyalar və strateji inkişaf departamenti rəhbərinin müavini Samir Rəhimov deyib.
Onun sözlərinə görə, bu sahədə ölkənin potensialının böyük hissəsi Günəş enerjisinin payına düşür və bu potensial 5 min meqavat səviyyəsində qiymətləndirilir.
S.Rəhimov qeyd edib ki, külək enerjisinin payına 4500 meqavat, biokütlənin 1500 meqavat, geotermal enerjinin 800 meqavat düşür, qalan 350 meqavat isə kiçik su elektrik stansiyalarının potensialının payına düşür.
