...

TAP konsorsiumu qaz kəmərinin buraxılış gücünün artırılması üzrə sınaqlara yekun vurub

Energetika Materials 23 İyul 2021 14:12 (UTC +04:00)
TAP konsorsiumu qaz kəmərinin buraxılış gücünün artırılması üzrə sınaqlara yekun vurub

Trend-i buradan izləyin

Bakı. Ləman Zeynalova - Trend:

Trans-Adriatik qaz kəmərinin (TAP) illik buraxılış gücünün 10 milyard kubmetrdən 20 milyard kubmetrədək genişləndirilməsi üzrə 2019-cu ildə başlamış sınaqlar başa çatıb və bununla bağlı hər hansı bir öhdəlik yaradan təklif daxil olmayıb.

Bu barədə Trend-ə TAP-ın kommersiya şöbəsindən bildiriblər.

Qeyd olunub ki, bu cür sınaqlar iki ildən bir keçirilir və indi maraqlı tərəflər iyulun 12-də başlamış sınaqlarda iştirak edə bilər.

TAP konsorsiumu iyulun 12-dən etibarən təbii qaz tədarükçülərinə layihəyə maraq oyatmaq, növbəti mərhələlərdə isə TAP-ın nəql güclərinə qoşulmaq üçün imkan yaradacaq yeni sınaqlara başlayıb.

Qeyd edək ki, 2020-ci il dekabrın 31-dən TAP vasitəsilə Azərbaycan qazının Avropaya nəqli başlayıb. Bu günədək 3 milyard kubmetrə yaxın qaz nəql olunub.

(Tərcümə: Orxan Nəbiyev)

Məqalədə:
Xəbər lenti

Xəbər lenti