...

Azzristiliktzchizat Bakıdakı 1850 yaşayış binasını istilik enerjisi ilə təmin edir

Energetika Materials 21 Dekabr 2005 16:33 (UTC +04:00)

Hazırda Azəristiliktəchizat Səhmdar Cəmiyyəti (SC) Bakıdakı 1850 yaşayış binasını istilik enerjisi ilə təmin edir. Bu barədə Trend ə Azəristiliktəchizat SC-nin sədri Yaşar Həsənov bildirib.

Onun sözlərinə görə, 2005-ci ildə SC 105 məktəbi, 195 uşaq bağçasını, 31 səhiyyə obyektini və 71 digər obyekti istiliklə təmin edib. Regionlarda 53 məktəb, 10 uşaq bağçası, 43 səhiyə obyekti və 141 digər obyekt istiliklə təmin olunub. Bu obyektlərin istiliklə təchizatı üçün Bakıda 103 qazanxana, 134 istilik məntəqəsi, regionlarda 86 qazanxana fəaliyyət göstərir.

Yaxın 2-3 ildə Azəristiliktəhcizat ölkədəki zəruri infrastruktura malik olan binaların istiliklə tam təchiz olunmasını planlaşdırır. Bakıda belə yaşayış binalarının 4140 ədəddir.

SC-in balansında ümumi gücü 1057 Hkal olan 7 rayon qazanxanası, ümumi gücü 755,6 Hkal olan 114 məhəllə daxili qazanxana, 126,8 km magistral, 573,1 km məhəllədaxili xətt, 191 məntəqə, 5 kiçik elektrik stansiyası və s. var.

Qeyd edək ki, hazırda 1 kvadrat metrlik sahənin istilik təchizatı üçün tarif 250 manat təşkil edir.

Xəbər lenti

Xəbər lenti