...

Azfen və Technip şirkətlərində həmkarlar ittifaqı komitəsi yaradıla bilər

Energetika Materials 21 Dekabr 2005 17:51 (UTC +04:00)

Azfen və Technip şirkətlərində həmkarlar ittifaqı komitəsinin yaradılması ilə bağlı işlər aparılır. Neft-qaz sənayesi işçilərinin həmkarlar ittifaqı Respublika komitəsində (NQSİHİ RK) Trend ə bildirilib ki, şirkətin əməkdaşları arasında NQSİHİ RK-nin funksiya və vəzifələri ilə tanışlıq aparılır.

"Yaxın vaxtlarda artıq bu şirkətlərdə komitələr yaradıla bilər"- deyə dövlət strukturunda bildirilib.

Burada həm də qeyd olunub ki, bunlarla yanaşı McDermott şirkətində də həmkarlar ittifaqı komitəsi yaradılacaq və bu məqsədlə dekabrın 24-də Azərbaycanın Həmkarlar İttifaqı Konfederasiyasında hüquq-müdafiə təşkilatları və McDermott nümayəndələrinin iştirakı ilə təsis konfransı keçiriləcək.

Bu günədək həmkarlar ittifaqı komitələri xarici kapitallı Shirvan Oil, Salyan Oil, Azgerneft, Anshad Petrol, LUKOIL Azerbaijan və Bosshelf kimi müəssisələrdə yaradılıb.

Neft şirkəti işçilərinin NQSİHİ RK-ə üzvlüyünə və komitələrin yaradılmasına marağının artması McDermott və Bosshelf şirkətlərinin yerli işçilərinin bu yaxınlarda baş vermiş tətili ilə bağlıdır.

Xəbər lenti

Xəbər lenti