2006-cı ilin yanvarında "Azəri-Çıraq-Günşəli" (AÇG) yatağının işlənməsini həyata keçirən Azərbaycan Beynəlxalq Əməliyyat Şirkəti (ABƏŞ) ümumi həcmi 1 mln 292,7 min tona yaxın olan neft ixrac edib ki, bu da 2005-ci ilin dekabrın ilə müqayisədə 117 min ton azdır.
ABƏŞ-dən Trend ə verilən məlumata görə, yanvarda Bakı-Supsa ("Qərb" marşrutu) ilə 599 min ton Azeri Light nefti, Bakı-Novorossiysk ("Şimal" marşrutu) üzrə 339,7 min ton xammal nəql olunub. Gürcüstan istiqamətində - Batumi limanında 2006-cı ilin yanvarında 354 min ton neft nəql olunub.
Dekabrda "Qərb" marşrutu üzrə 626,6 min ton, "Şimal" marşrutu üzrə 344 min ton, Bakı-Batumi marşrutu üzrə 446 min ton neft nəql olunub.
Yanvarda neftin ixracının azalmasının əsas səbəbi "Azəri" yatağının mərkəzi hissəsindən xammal hasilatının (6-7 günlük) müvəqqəti dayanması olub.