Azərbaycan Dövlət Neft Şirkətinin prezidenti Rövnəq Abdullayev Neftçilər günü peşə bayramının yüksək səviyyədə qeyd olunmasını təmin etmək məqsədilə əmr imzalayıb. Şirkət prezidentinin əmrinə əsasən, sentyabr ayının 20-də keçiriləcək tədbirlərin yüksək səviyyədə təşkil olunması üçün işçi qrupu yaradılıb. Trend in xəbər verdiyi kimi, bu barədə ARDNŞ-dən məlumat verilib.
Qrupun rəhbəri, ARDNŞ-in İşlər İdarəsinin rəisi Xaliq Məmmədov tədbirlər planının layihəsini qrup üzvlərinin diqqətinə çatdırıb. Layihədə ''Neftçilər günü'' ilə əlaqədar sentyabrın 20-də ARDNŞ-in bütün struktur bölmələrində tədbirlərin təşkil edilməsi nəzərdə tutulur. 1994-cü ilin həmin günündə "Əsrin müqaviləsi" imzalanıb.