Xəzərin Azərbaycan sektorunda "Çıraq" platformasından neft hasilatı yaxın 24 saat ərzində bərpa olunacaq. Bu barədə Trend ə Azərbaycan Beynəlxalq Əməliyyat Şirkətinin (ABƏŞ) operatoru BP Azerbaijan şirkətindən xəbər veriblər.
Şirkətdən bildiriblər ki, platformada batareya sisteminin tərkib hissələrinin dəyişdirilməsi haqqında qərar qəbul edilib. "Bu işlər bir qədər sonra görülməli idi. Cümə günü layda platforma texniki səbəblərə görə dayandırıldı və ona görə də onun gələcəkdə də fasiləsiz rejimdə işləməsi üçün tərkib hissələrinin indi dəyişdirilməsi barədə qərar qəbul olundu", - deyə şirkətdən bildiriblər.
Platformanın enerji təchizatı iyulun 14-də dayandırılıb, iyulun 15-də isə bərpa olunub.
Baş verənlər "Mərkəzi Azəri" və "Qərbi Azəri" platformalarında neft hasilatına, boru kəmərləri ilə neft ixracına və Səngəçəldəki terminalın işinə heç bir təsir göstərməyib.
Yanvar-iyun aylarında ABƏŞ 2005-ci ilin yanvar-iyun aylarında hasil edilən 3,492 milyon ton ilə müqayisədə "Çıraq" yatağından 3,703 milyon ton neft hasil edib. 2006-cı ilin iyun ayında "Çıraq"dakı neft hasilatı 2006-cı ilin may ayındakı 642,29 min tonla müqayisədə 618,853 min ton təşkil edib.
