Azərbaycan Dövlət Neft Şirkəti (ARDNŞ) şəxsi neftinin Bakı-Tbilisi-Ceyhan (BTC) boru kəməri ilə ixracının mümkünlüyünü gözdən keçirir. Bu barədə Trend ə ARDNŞ-in yüksək vəzifəli nümayəndəsi bildirib.
Hazırda ARDNŞ öz neftini tərəfdaşlıq şərtləri ilə Türkiyənin Ceyhan limanından, Gürcüstanın Batumi və Supsa limanından və Novorossiyskdən Azərbaycan Beynəlxalq Əməliyyat Şirkətinə (ABƏŞ) satır. ARDNŞ öz yataqlarındakı nefti Bakı-Novorossiysk neft kəməri ilə nəql edir.
Onun sözlərinə görə, ARDNŞ, konsorsiumun "şimal" marşrutunun iş qabiliyyətinin saxlanmasında marağı olduğu halda, marşrutların alternativliyinin ARDNŞ deyil, ABƏŞ iştirakçıları tərəfindən dəstəklənməsi üçün "Azəri-Çıraq-Günəşli" yataqlarından yüngül nefti bu boru kəməri ilə ixrac etməyi ABƏŞ-ə təklif edib.
"Bu halda ABƏŞ Bakı-Novorossiysk marşrutu üzrə onun optimal işləməsi üçün laızm olan həcmdə neft nəql etməlidir, Dövlət Neft Şirkəti isə, öz növbəsində, Bakı-Ceyhan kəməri ilə ixrac etməyə hazırdır", - deyə ARDNŞ-dən bildiriblər.
