Azərbaycan, Bakı/ Trend müxbir S.Əliyev/ Azərbaycan Dövlət Neft Şirkəti (ARDNŞ) və "East Energy Treyder" növbəti ay üçün İrana avtomobil benzini tədarükünün həcmini razılaşdırır. Bu barədə cümə axşamı ARDNŞ-dən məlumat verilib.
Güman edilir ki, Dövlət Neft Şirkəti "East Energy" üçün 10-12 tanker partiyası ilə 45-50 min ton avtomobil benzini göndərəcək.
Tədarük ARDNŞ və "East Energy" arasınada imzalanmış müqavilə çərçivəsində həyata keçirilir.
Neft məhsulu tankerə "Azərneftyağ" NEZ-ə məxsus olan körpüdən yüklənir.
Azərbaycan avtomobil benzinini Heydər Əliyev adına NEZ-də (keçmiş "Aərneftyanacaq") istehsal edir.
Dünya KİV-lərinin verdiyi məlumata görə, İran benzin satışına məhdudiyyətlər tətbiq edir. İyunun 27-dən şəxsi avtomobillərin sahibləri ay ərzində 100 litrdən çox benzin ala bilməzlər. Bu tədbirlər İranda benzinə olan daxili tələbatı və ölkəyə yanacaq idxalını azaltmaq üçün görülür.
İran tərəfi hələ Azərbaycana benzin idxalının dayandırılması barədə xəbərdarlıq etməyib. Son zamanlar ARDNŞ hər ay İrana 50 min tona qədər avtomobil benzini tədarük edir.
