Azərbaycan, Bakı/ Trend müxbir S.Əliyev/ İyun ayında Batumi neft terminalından 2006-cı ilin eyni ayındakı 867,5 min tona qarşı 860,4 min ton neft və net məhsulu yüklənib. Reuters xəbər verir ki, may ayında yüklənmənin həcmi 717,5 min ton təşkil edib.
2006-cı ildə Batumi neft terminalından 2005-ci ildəki 9,7 mln. ton neftə qarşı 11,7 mln. ton neft yüklənib.
Batumi neft limanı ildə 15 mln. ton neft məhsulu ötürə bilir.
Terminal 30-90 min ton dedveyti olan tankerlərə həmçinin Aframax növlü gəmilər üçün daşına bilən buy da daxil olmaqla 4 yanalma körpüsündən neft yükləyir. Hazırda terminalın rezervuar parkı 530 min ton təşkil edir ki, bu da dəhlizdən daşınan və proqnozlaşdırılan neft üçün kifayət qədərdir.