Azərbaycan, Bakı/ Trend , müxbir İ.Xəlilova/ Cənubi Koreyanın "KEPKO" şirkəti 2007-ci ilin aprel ayında imzalanmış Memoranduma əsasən, Azərbaycanda qazla işləyəcək xüsusi elektrik stansiyanın tikintisinin texniki iqtisadi əsaslandırmasına (TİƏ) başlayır. Bu barədə bazar ertəsi Azərbaycan İqtisadi İnkişaf Nazirliyinin İnvestisiya siyasəti şöbəsinin müdiri Əsgər Ələkbərov bildirib.
"TİƏ layihəsi iki-üç aydan sonra hazır olacaq" - deyə Ələkbərov bildirib.
Stansiyaların yeri hələ ki, müəyyənləşməyib, ilkin olaraq 700 mVt gücündə bir stansiyanın tikilməsi nəzərdə tutulur.
Ələkbərov hesab edir ki, dünya təcrübəsində bu cür layihələr təqribən 1 mlrd. dollar investisya tələb edir.
Hazırda Azərbaycanda elektrik stansiyalarının böyük hissəsi mazutla işləyir. 2007-ci il yanvarın 1-nə qədər, ölkəyə qaz idxalı mövcud olduğu zaman stansiyalar qaz rejimi ilə işləyirdilər.
2007-ci il yanvar ayının 1-dən qiymətin yüksək olması ilə əlaqədar Azərbaycan "Qazprom"un qaz idxalından imtina edib və stansiyalar mazut rejiminə keçirilib. Azərbaycanda mazut Bakıdakı NEZ-lərdə istehsal olunur.
