Azərbaycan, Bakı/ Trend müxbir S.Babayeva/ Azərbaycan Rabitə və İnformasiya Texnologiyaları Nazirliyi dekabrın 18-də Qubada İT ekspertlərinin iştirakı ilə seminar keçirəcək. Çərşənbə axşamı nazirlikdən bildiriblər ki, görüşün əsas məqsədi informasiya-kommunikasiya texnologiyalarının tətbiqinin genişləndirilməsilə ölkənin regionları və şəhərləri arasında rəqəmli fərqin azaldılmasıdır. Seminarda regionun informatika müəllimlərinin, Xaçmaz, Qusar, Quba, Xızı. Dəvəçi və Siyəzən rayonlarının dövlət sektorlarının ekspertlərinin, qeyri-hökumət təşkilatlarının iştirakı gözlənilir. Seminar çərçivəsində iştirakçılara Azərbaycanda informasiya cəmiyyətinin inkişafı üzrə 5-6 təqdimat göstəriləcək, bu məsələlər ətrafında və sonrakı inkişaf üçün regionlarda İT-nin tətbiqi problemləri ilə bağlı müzakirələr aparılacaq. Nazirlikdən bildiriblər ki, belə seminarları ölkənin digər regionlarında da keçirmək planlaşdırılır.
...