Azərbaycan, Bakı, 16 iyul/ Trend , müxbir S.Babayev/ Azərbaycan Rabitə və İnformasiya Texnologiyaları Nazirliyinin Azerpocht DM-i Azərbaycan Milli Bankı tərəfindən yaradılan milli kommunal ödəmələr sisteminə qoşulub. Bu barədə DM-dən məlumat veriblər.
"İyulun 11-də buraxılan sistemə Bakının 71 poçt bölməsi qoşulub", - Azerpocht-dan bildiriblər.
DM-də hesab edirlər ki, bundan sonra kommunal ödəmələrin yığılması texniki prosesi daha səmərəli və sürətlə həyata keçiriləcək.
Sistem abunəçilərin kommunal ödəmələri həm bank və poçt bölmələri, filiallarında nəqd şəkildə, həm də bankomatlar, POS-terminallar, internet-bankinq vasitəsilə nəqd olmayan formada həyata keçirməsini təmin etməyə yönəlib.
Azerpocht-dan bildiriblər ki, sistem vasitəsilə istifadə edilmiş elektrik enerjisi, su və qaza görə ödəmələrin yığılması həyata keçiriləcək.
Azerpocht DM-in strukturunun tərkibinə 59 poçtamt, iki poçt müəssisəsi, iki törəmə müəssisə və səkkiz rabitə qovşağı daxildir.
Ölkənin bütün yaşayış məntəqələrini əhatə etməklə, DM-in strukturunda 1,3 mindən çox poçt bölməsi fəaliyyət göstərir.
