Azərbaycan, Bakı, 18 oktyabr/ Trend , müxbir S.Babayeva/Azərbaycanın mobil rabitə operatoru Bakcell özüün Klass tarif planının abunəçiləri üçün kampaniya elan edib. Bakcell - in verdiyi xəbərə görə, Klass abunəçiləri 2008 - ci il oktyabrın 15 - dən dekabrın 31 - dək abunə haqqından azad edilirlər.
Kampaniyaya yalnız 2008 - ci il oktyabrın 1 - dək qeydə alınmış Klass abunəçiləri daxildir.
Tarif planının dörd versiyası var: "Peşəkar" - abunə haqqı 7,79 manat, "Ekstra" - 2, 34 manat, "Gənclik" - 1,95 manat və "Stil" - 3,9 manat.
Bakcell şirkəti - ölkədə birinci mobil rabitə operatoru GTİB və Azərbaycanın Rabitə Nazirliyinin birgə müəssisəsi kimi, 1994 - cü ilin martında təsis edilib. 1998 - ci ilin dekabrında Bakcell qabaqcıl GSM telekommunikasiya texnologiyasını tətbiq edib. 2003 - cü ilin dekabrında şirkətin özəlləşdirilməsi prosesi uğurla başa çatıb. 2004 - cü ilin yanvarından başlayaraq, Bakcell 100 faiz xüsusi kapitala məxsus şirkət kimi fəaliyyət göstərir.
Bu gün Azərbaycanda üç GSM operatoru fəaliyyət göstərir - Azercell Telecom, Bakcell, Azerfon.
Dövlət Statistika Komitəsinin məlumatlarına əsasən, ölkədə ümumilikdə 5,7 mln. mobil rabitə abunəçisi var.
Müəlliflə əlaqə saxlamaq üçün elektron ünvan: [email protected]