Azərbaycan, Bakı, 13 may / Trend , müxbir S.Babayeva /
Təcili pul köçürmələri sisteminin və digər poçt-maliyyə xidmətlərinin inkişafı üzrə regional konfrans 4-5 iyunda Bakıda keçiriləcək. Bu barədə Azərbaycan Rabitə və İnformasiya Texnologiyaları Nazirliyindən deyiblər.
"Hazırda Azərbaycanda poçt sahəsində maliyyə xidmətlərinin tətbiqi ilə bağlı layihə həyata keçirildiyindən belə bir konfransın Bakıda keçirilməsi məqsədəuyğundur", - nazirlikdən deyiblər.
Konfransın təşkilatçısı Dünya Poçt İttifaqı və Rabitə sahəsində Regional Birlikdir (RRB).
Konfransda RRB, STEFI və EUROGIRO-ya üzv olan ölkələrin nümayəndələri, poçt-maliyyə xidməti sahəsində ixtisaslaşan beynəlxalq təşkilatların bir sıra vəzifəli şəxsləri iştirak edəcək.
Konfransın gündəliyi dəqiqləşdirilir.
Məqalə müəllifi ilə əlaqə ünvanı: [email protected]
