Azərbaycan, Bakı, 29 iyun / Trend , müxbir Q.Vəliyev /
Bu gün Rabitə və İnformasiya Texnologiyaları Nazirliyində idarənin başçısı Əli Abbasovun İsrailin elm və texnologiyalar üzrə naziri Daniel Qerşkovits (Daniel Hershkovitz) ilə görüşü keçiriləcək.
Tərəflər İKT sahəsində ikitərəfli münasibətləri , xüsusilə də İsrail şirkətinin Azərbaycanda həyata keçirilən layihələrdə iştirakını müzakirə edəcəklər. İki ölkə arasında İKT sahəsində əlaqələrin inkişafına biznes forumların nəticələri əhəmiyyətli təsir göstərib.
Bakıda keçirilən növbəti Azərbaycan-İsrail forumu çərçivəsində iqtisadi əməkdaşlığı genişləndirmək üçün yeni imkanlar müzakirə edilib. Dünən İKT sahəsində Azərbaycan və İsrail arasında hökumətlərarası müqavilə imzalanıb.
Son illərdə iqtisadiyyatın müxtəlif sahələrində, o cümlədən İKT sahəsində Azərbaycan biznesi ilə iş tərəfdaşlığı quran İsrail şirkətlərinin sayı artıb.