Azərbaycan, Bakı, 01 avqust / Trend , müxbir H.Vəliyev /
Sentyabrın 23-də Gəncədə "Billur Electronics" ASC-nin səhmdarlarının iclası keçiriləcək. Bu barədə ASC-dən bildirilir.
İclas zamanı ASC-nin maliyyə təsərrüfatı üzrə fəaliyyət hesabatı təqdim olunacaq, müəssisənin 2008-ci il üzrə mühasibat balansı təsdiq olunacaq və qlobal maliyyə şəraitində müəssisənin səhmdarlarına maliyyə yardımının göstərilməsi məsələsi müzakirə olunacaq.
Hazırda Billur Electronics satışı Bakı, Gəncə və Tovuzun ticarət şəbəkələrində həyata keçirilən 32, 40 və 46 düymlu LCD televizorların istehsalı ilə məşğul olur. Yaxın gələcəkdə şirkət Billur brendi altında 15 düymlü LCD televizorlarını buraxmağı planlaşdırır.
Müəssisə LCD monitorları, portativ və stolüstü personal kompüterlər, kassa aparatları, elektrik və su sayğacları, kondisionerlər, elektrik batareyaları və mini-akkumulyatorlar istehsal edir.
Məqalə müəllifi ilə əlaqə ünvanı: [email protected]
