Azərbaycan, Bakı, 07 avqust / Trend , müxbir H.Vəliyev /
"Catel" stasionar rabitə abonentləri üçün 417 prefiksli yeni nömrələr istifadəyə verib. Rəsmi məlumata görə, şirkətin 44 mindən çox abonenti var və bu, istifadəyə verilən dördüncü nömrə sırasıdır. Bu barədə Trend -a şirkətdən deyilib.
Əvvəllər şirkət 447, 448 və 418 prefiksli nömrə sıraları təqdim edib. 417 və 418 prefiksləri simsiz stasionar rabitəyə, 447 və 448 prefiksləri isə simli stasionar rabitəyə aiddir.
Hazırda CDMA Catel şəbəkəsi zonasına Bakı, Abşeron yarımadası, Sumqayıt, Sanqaçal, Ələt, Kürdəmir, Ucar, Şirvan, Göyçay, Mingəçevir, Gəncə, Şəmkir, Ağstafa, Balakən, Dəvəçi, Nabran, Xudat, Xaçmaz, Lənkəran, Astara və Masallı daxildir. Şirkət Azərbaycanın bütün ərazisi üzrə əhatəni genişləndirmək istiqamətində plana uyğun işlər aparır.
Məqalə müəllifi ilə əlaqə ünvanı: [email protected]
