Azərbaycan, Bakı, 18 noyabr / Trend , müxbir H.Vəliyev/
Azərbaycanın Dövlət İnternet Provayderi Bakı ərazisində İnternetə şifrəsiz daxilolma xidmətini təqdim edib. Bu barədə RİTN-in məlumatında deyilir.
Layihə "Bakı Telefon şəbəkəsi" İstehsalat Birliyi ilə birgə həyata keçirilir.
Şifrəsiz daxilolma İnternetdə Dial-up giriş xidmətidir. Yeni üsulun əsas ideyası ondan ibarətdir ki, İnternetə giriş proseduru praktiki olraq şəhərlərarası zənglərə analoji olub.
Şifrəsiz girişdən istifadə zamanı saatlıq Net-kartlar almaq zərurəti yoxdur. Şəbəkəyə giriş istənilən telefon nömrəsindən mümkündür. Şəbəkəyə giriş proseduru sadələşdirilib, xidmətin ödənilməsi isə işlənmiş vaxta görə hesablanır. Xidmətdən istifadə etmək üçün "Aztelekom"un modem-pool-undan 178 nömrəsini yığmaq lazımdır.
Bir saatın məbləği 0,30 manatdır.
Məqalə müəllifi ilə əlaqə ünvanı: [email protected]