Azərbaycan, Bakı, 2 aprel /Trend, müxbir H.Vəliyev/
Naxçıvan Muxtar Respublikası Rabitə və İnformasiya Texnologiyaları Nazirliyi NMR ərazisində 11 yeni translyator istismara verib. Bu barədə nazirliyin məlumatında deyilir.
MR-də Azərbaycan Televiziyasının (AzTV) və Azərbaycan İctimai Televiziyasının (İctimai), NTV televiziya proqramlarının yayımlanması keyfiyyətinin artırılması məqsədi ilə işlər həyata keçirilir. Nazirlik tərəfindən həmçinin "Azad Azərbaycan", "Lider", "İctimai", "Space" və "Antenn FM" teleradiokanallarının yayımlanması üçün tezlik resursları qeydiyyatdan keçib.
Hazırda "NTV", "Kanal-35" telekanalları və "Naxçıvan" və "Naxçıvanın səsi" radiokanallarının yayımlanması optik dəyişdiricilər vasitəsilə həyata keçirilir.
