Azərbaycan, Bakı, 15 aprel/Trend/
Birinci rüb ərzində əhaliyə və təşkilatlara göstərilən rabitə və informasiya xidmətlərinin həcmi 237,5 milyon manat təşkil edib ki, bu da ötən ilin analoji dövr göstəricisindən 24,8 faiz çoxdur. Bu barədə Azərbaycan Dövlət Statistika Komitəsinin məlumatında deyilir.
Əhaliyə göstərilən rabitə xidmətlərinin payı 74,4 faiz təşkil edib. Bu zaman əldə olunan gəlirlərin 71,2 faizi mobil rabitə xidmətlərinin payına düşüb ki, burada da artım ötən ilin analoji dövrü ilə müqayisədə 23,4 faiz artaraq 169,1 milyon manata çatıb.
