Azərbaycan, Bakı, 12 oktyabr /Trend, müxbir H.Vəliyev/
Azərbaycan Mərkəzi Bankı (AMB) bankın İT-mütəxəssislərinin ixtisaslarının artırılması üzrə kursların keçirilməsi üçün "Azərbaycan Bilik Mərkəzi"ni seçib. Bu barədə çərşənbə axşamı "Azərbaycan Bilik Mərkəzi"nin məlumatında deyilir.
Mərkəzi Bankın İT-mütəxəssisləri oktyabrın ortalarında təhsilə başlayacaqlar. Onlar üçün ITIL v3 əsasında kurslar təşkil olunacaq. Kursların bəziləri "Oracle" məlumat bazası inzibatçılığı, bir sıra ixtisaslaşdırılmış kurslar isə "Windows Server 2008" üzrə təşkil olunacaq. Təhsil dekabrın ortalarınadək davam edəcək və Mərkəzi Bankın mütəxəssisləri onun yekunları üzrə sertifikatlar alacaqlar.
2009-cu ilin noyabrında Azərbaycanda fəaliyyətə başlayan "Azərbaycan Bilik Mərkəzi" Azərbaycandakı şirkətlərin İT bölmələrinin 250-dən artıq mütəxəssisi üçün təlimlər keçirib.
"Bilik Mərkəzi"nin MDB ərazisində apardığı tədqiqatların nəticələrinə görə, Azərbaycan İT təhsilə ehtiyacı olan, nisbətən daha perspektivli regionlardan biri kimi müəyyən edilib.
"Azərbaycan Bilik Mərkəzi"nin direktoru Sabina Leqeydanın bir az əvvəl Trend-ə verdiyi məlumata görə, ixtisaslaşmış avtorizə edilmiş təhsil bazarının yaranmasına baxmayaraq, Azərbaycan yüksəksəviyyəli tədris mərkəzlərinin qıtlığını hiss edir ki, Azərbaycanda nümayəndəliyin açılması qərarı da buradan irəli gəlir. Yerli filial Belarus və Qazaxıstandan sonra sayca 3-dür.
"Bilik Mərkəzi"nin bütün filialları "Cisco" və "Microsoft: Cisco Learning Solutions Partner və Microsoft Certified Partner for Learning Solutions" kimi ən yüksək tərəfdaşlıq statuslarına malikdir. Mərkəz, həmçinin, "Oracle", "Sun", "Linux", "ITIL" istiqamətləri üzrə də təhsil həyata keçirir. Mərkəz Azərbaycandakı işində "Microsoft" və "Cisco" məhsullarına əsas diqqət ayırır.