...

Azərbaycan Kuba və Meksikaya kompyuterlərin növbəti partiyasını satmaq fikrindədir

Telekommunikasiya Materials 11 Mart 2011 15:01 (UTC +04:00)

Azərbaycan, Bakı, 11 mart /Trend, müxbir H.Vəliyev /

Azərbaycan Rabitə və İnformasiya Texnologiyaları Nazirliyi və Azərbaycanın "Ultra" İT şirkəti Meksika və Kubaya personal kompyuterlərin növbəti partiyasının satışı haqqında danışıqlar aparırlar. Bu barədə cümə günü Trend-ə şirkətdən məlumat verilib.

Məlumata görə, hələlik həmin ölkələrin kompyuterlərin satışı haqqında şərtlər irəli sürməsi üzündən razılaşma əldə olunmayıb. Ölkələrin irəli sürdükləri şərtlər açıqlanmır.

Bu istiqamətdə işlər davam etdirilir və Azərbaycanın Kuba və Meksika ilə əməkdaşlığında Rabitə və İnformasiya Texnologiyaları Nazirliyi bilavasitə rol oynayır.

Kuba və Meksika ilə İKT sahəsində əməkdaşlıq imkanı 2010-cu ilin oktyabrında Azərbaycan Rabitə və İnformasiya Texnologiyaları Nazirliyi və Kuba İnformatika və Rabitə Nazirliyinin imzaladığı sazişlə razılaşdırılıb. Sənəd ümumiləşdirilmiş xarakter daşıyır və Azərbaycan şirkətlərinin bu ölkə ilə konkret layihələrdə gələcək əməkdaşlıq imkanlarını müəyyən etməklə, təməl olmalıdır. Saziş Azərbaycanın yüksək texnologiyalı məhsullarının Kuba və Meksika bazarlarına çıxarılması baxımından qarşılıqlı yardıma da kömək etməlidir.

Masaüstü və portativ kompyuterlərin pilot partiyasının Kuba və Meksikanın ali və orta məktəblərinə verilməsi bilavasitə Azərbaycan nümayəndə heyətinin səfəri çərçivəsində həyata keçirilib. Nazirliyin vasitəçiliyi ilə Nexus Extreme LCD seriyasından olan 20 çoxbloklu kompyuterdən ibarət ikinci pilot partiya 2010-cu ilin sonlarında Kubaya göndərilib.

"Ultra" şirkətindən deyildiyi kimi, bu gün həmin ölkələrə kompyuterlərin növbəti partiyasının göndərilməsi məsələsi gündəlikdədir və bu məsələ üzrə yekun qərar idarələrarası razılaşmadan asılıdır.

Xəbər lenti

Xəbər lenti