Azərbaycan, Bakı, 13 avqust /Trend, müxbir H.Vəliyev/
Təşkilatlara və əhaliyə göstərilən informasiya və rabitə xidmətlərinin həcmi yanvar-iyulda 664,9 milyon manat təşkil edib. Bu, ötən ilin anoloji göstəricisindən 12,6 faiz çoxdur. Bu barədə Dövlət Statistika Komitəsinin məlumatında deyilir.
Məlumata əsasən, ümumi həcmdən 73,3 faiz əhaliyə göstərilən xidmətlərin payına düşüb. Bu halda əldə edilən gəlirlərin 62,5 faizi mobil rabitə xidmətlərinin payına düşüb. O, ötən ilin anoloji dövrü ilə müqayisədə 3,9 faiz artaraq 415,8 milyon manat təşkil edib.