Azərbaycan, Bakı, 14 oktyabr /Trend, müxbir H.Vəliyev/
Avqust ayı ilə müqayisədə sentyabrda Azərbaycanda kompyuterlərin internet vasitəsilə virusa yoluxmasının sayı 1,18 faiz artıb. Bu barədə "Kasperski laboratoriyası"nın sentyabr ayı üçün virus aktivliyi icmalında deyilir.
Hesabatda deyilir ki, ölkədə istifadəçilərin 31,15 faizi kompüter vasitəsilə virusa yoluxma riski ilə üzləşib.
İcmalda deyilir ki, Azərbaycan internet vasitəsilə virusa yoluxma riski üzrə 10 ölkə arasında altıncı yeri tutur.
İlk 10 ölkə siyahısına 29,091-41,10 faizlə daxil olan ölkələr Rusiya, Oman, Ermənistan, Belarus, İraq, Azərbaycan, Qazaxıstan, Ukrayna, Koreya Respublikası və Sudandır.
Şirkət təhlükə dərəcəsini qiymətləndirmək üçün bir rüb ərzində istifadəçinin veb-antivirusunun neçə dəfə işə düşdüyünü hesablayıb.
Ay ərzində "Kasperski laboratoriyası"nın məhsulları 213 602 142 şəbəkə hücumunun, 80 774 804 vebdən yoluxma cəhdinin qarşısını alıb və 263 437 090 zərərli proqram (lokal yoluxma cəhdi) aşkarlanaraq zərərsizləşdirilib.
