...

Azərbaycanın poçt operatoru əhaliyə maliyyə xidmətləri göstərmək üçün 3G tətbiq edəcək

Telekommunikasiya Materials 19 Mart 2012 20:43 (UTC +04:00)

Azərbaycan, Bakı, 19 mart /Trend, müxbir H.Vəliyev/

Uzaq kənd rayonlarındakı şöbələri Azərbaycanın poçt operatoru "Azərpoçt" MMC-nin korporativ informasiya sisteminə qoşmaq üçün 3G şəbəkəsindən istifadə ediləcək. Bu barədə bazar ertəsi Trend-ə Azərbaycan Rabitə və İnformasiya Texnologiyaları Nazirliyinin Poçt rabitəsi şöbəsinin müdiri Novruz Məmmədov bildirib.

Həmçinin Regional Rabitə Birliyinin Poçt rabitəsi komissiyasının sədri olan Məmmədovun sözlərinə görə, 3G standartı korporativ sistemə çıxışı sadələşdirəcək. Bu, xüsusilə kabelin çəkilməsinə olan xərclərin əsassız yerə yüksək olduğu uzaq rayonlarda öz təsirini göstərəcək.

"Hazırda uzaq kənd yerlərində yerləşən "Azərpoçt"un poçt şöbələri sistemə test rejimində qoşulub. Layihənin uğurla həyata keçirilməsi qısa müddət ərzində sistemə poçt operatorunun bir çox şöbələrini qoşmağa imkan verəcək", - Məmmədov deyib.

Layihədə operator qismində "Azercell Telekom" çıxış edir.

Hazırda "Azərpoçt"un avtomatlaşdırılmış korporativ informasiya sisteminə təqribən min filial və şöbə qoşulub.

Xəbər lenti

Xəbər lenti