Azərbaycan, Bakı, 1 may /Trend, müxbir H.Vəliyev/
Azərbaycan Qiymətli Kağızlar üzrə Dövlət Komitəsi (QKDK) öz internet səhifəsi vasitəsilə stimullaşdırıcı lotereyaların təşkili və keçirilməsi məsələsi üzrə elektron müraciət xidmətini tətbiq edib. Trend-in məlumatına görə, bu barədə çərşənbə axşamı QKDK-nin birinci rübdəki işlərin nəticələri üzrə yaydığı hesabatda deyilir.
QKDK 2012-2013-cü illər üzrə elektron xidmətlərin göstərilməsinə dair Tədbirlər Planını təsdiq edib.
İşlər Prezident İlham Əliyevin "Dövlət orqanlarının elektron xidmətlər göstərməsinin təşkili sahəsində bəzi tədbirlər haqqında" 23 may 2011-ci il tarixli fərmanı əsasında aparılır.