Azərbaycan, Bakı, 8 iyun /Trend, müxbir H.Vəliyev/
Ukrayna gələcəkdə Azərbaycanın peyk layihələrində iştirak haqqında təkliflə çıxış edib. Bu barədə cümə günü Trend-ə "Azərkosmos" ASC-dən bildiriblər.
"Azərbaycan tərəfi aerokosmik sahədə Ukrayna ilə ikitərəfli əməkdaşlığa ümid edir. Bu sahədə danışıqlar və müzakirələr davam etdirilir", - ASC-dən deyiblər.
Ukrayna tərəfinin təklifi təcrübə mübadiləsini və aerokosmik sahədə ixtisaslı kadrların hazırlığında Azərbaycan üçün geniş imkanların təşkilini nəzərdə tutur.
"Azərbaycanda texnologiya tutumlu sahələrin formalaşmasının başlaması və "Azərkosmos" insan resurslarının inkişafı ilə əlaqədar biz bu istiqamətdə Ukraynanın təcrübəsindən istifadə etmək niyyətindəyik. Buna görə də Ukrayna Dövlət Kosmik Agentliyi ilə əməkdaşlıq perspektivli planlarda var və bu istiqamətdə müvafiq strukturlarla danışıqlar aparılacaq", - QSC-dən bildiriblər.
