...

Rabitə Nazirliyi: Azərbaycanda bayram günlərində telekommunikasiya şəbəkəsinin fasiləsiz işləməsi təmin ediləcək

Telekommunikasiya Materials 7 Avqust 2013 17:06
Rabitə və İnformasiya Texnologiyaları Nazirliyi (RİTN) Ramazan bayramı günlərində əhalinin telekommunikasiya və informasiya texnologiyaları, o cümlədən mobil rabitə xidmətləri və radio-televiziya yayımı ilə yüksək səviyyədə təmin edilməsinə dair rabitə birlik və müəssisələrinə, həmçinin telekommunikasiya operatorlarına müvafiq tapşırıqlar verib.
Rabitə Nazirliyi: Azərbaycanda bayram günlərində telekommunikasiya şəbəkəsinin fasiləsiz işləməsi təmin ediləcək

Trend-i buradan izləyin

Azərbaycan, Bakı, 7 avqust /Trend, müxbir H.Vəliyev/

Rabitə və İnformasiya Texnologiyaları Nazirliyi (RİTN) Ramazan bayramı günlərində əhalinin telekommunikasiya və informasiya texnologiyaları, o cümlədən mobil rabitə xidmətləri və radio-televiziya yayımı ilə yüksək səviyyədə təmin edilməsinə dair rabitə birlik və müəssisələrinə, həmçinin telekommunikasiya operatorlarına müvafiq tapşırıqlar verib.

RİTN-dən çərşənbə günü Trend-ə verilən məlumata görə, bu məqsədlə bayram günlərində məsul növbətçilər təşkil edilməklə telekommunikasiya və informasiya texnologiyaları xidmətlərinin, radio-televiziya yayımının fasiləsiz və keyfiyyətli işinin təmin edilməsi, kabel və xətt zədələnmələrinin tam aradan qaldırılması, internetə çıxış sürətinin tələbata uyğun təmin olunması, poçt şöbələrinin iş rejiminin tənzimləyici qrafik üzrə qurulması, rabitə obyektlərinin mühafizəsinin gücləndirilməsi, yanğın təhlükəsizliyi texnikası qaydalarına ciddi əməl edilməsi üzrə müvafiq tədbirlər görüləcək.

Göstərilənlərlə yanaşı, bayram ərəfəsində və bayram günlərində telefonların işinin daimi təmin edilməsi məqsədilə rabitə xidmətləri borclarına və digər səbəblərə görə telefonların şəbəkədən açılmaması, daxil olan müraciətlərə həssaslıqla yanaşılaraq operativ tədbir görülməsi nəzərdə tutulur.

Abunəçilərin rahatlığı və bayram ovqatının yüksəldilməsi üçün bir sıra əlavə tədbirlər də həyata keçiriləcək.

Məqalədə:
Xəbər lenti

Xəbər lenti