...

Microsoft: Azərbaycanda lisenziyalı məhsulların satışı ilə bağlı vəziyyət yaxşılaşır

Telekommunikasiya Materials 19 Noyabr 2013 17:16 (UTC +04:00)

Azərbaycan, Bakı, 19 noyabr /Trend, müxbir H.Vəliyev/

Azərbaycanda "Microsoft"un lisenziyalı məhsullarının satış həcminin orta illik artımı təqribən 35 faiz təşkil edir. Trend-in məlumatına görə, bu barədə jurnalistlərə "Microsoft"un Mərkəzi və Şərqi Avropa ölkələri üzrə baş direktoru Takuya Hirano bildirib.

Onun sözlərinə görə, bir çox ölkələrin üzləşdikləri nisbətən ən mühüm problemlərdən biri saxta məhsullara tələbatın yüksək səviyyəsidir.

Bu gün Azərbaycanda pirat proqram təminatı bazarının həcmi 87 faizə çatır.

T.Hirano deyib: "Nəzarət etdiyim regionda bu göstəricinin 90 faizi ötdüyü ölkələrə rast gəlinir. Orta səviyyə 63, ən aşağı səviyyə isə təqribən 43 faizdir".

Buna baxmayaraq, onun sözlərinə görə, Azərbaycan bu sahədə müəyyən irəliləyişə nail olub və bazarda vəziyyət tədricən yaxşılaşır. Bu problemin həllində ən mühüm rolu bu məsələyə çox ciddi yanaşan respublika hökuməti oynayır. Hökumət üzərinə bazarda vəziyyətin yaxşılaşması ilə bağlı müəyyən öhdəliklər götürüb.

T.Hirano bildirib: "Azərbaycan informasiya texnologiyaları sektoruna xüsusi diqqət ayırır. Ölkədə bu sahənin inkişafı üçün zəruri şərait yaradılır. İnkişaf məsələsində insan amili mühüm rol oynayır. Bu barədə danışarkən, şübhəsiz ki, söhbət yüksəkixtisaslı kadrlardan gedir".

Ölkənin kadr potensialının gücləndirilməsində "Yüksək Texnologiyalar Parkı" (texnoparklar) mühüm rol oynayacaq. Ekspertin fikrincə, yüksək səviyyədə tədrisin aparılacağı və biri də "Microsoft"un olacağı iri vendorlarla əməkdaşlıq da çox mühüm əhəmiyyətə malikdir:

"Respublika hökuməti informasiya texnologiyaları sektorunun inkişafına çox böyük maraq göstərir ki, bunu da son illər ərzində həyata keçirilən böyük həcmdə işlər sübut edir. Biz, həmçinin gələcəkdə bütün lazımi dəstəyi göstərməyə hazırıq".

Məqalədə:
Xəbər lenti

Xəbər lenti