...

Azərbaycanın internet bazarının artımı 40 faizi ötüb

Telekommunikasiya Materials 19 Dekabr 2013 17:59 (UTC +04:00)

Azərbaycan, Bakı, 19 dekabr /Trend, müxbir H.Vəliyev/

2013-cü ildə Azərbaycanda genişzolaqlı internet bazarının artımı 40 faizi ötüb. Bu barədə Trend-ə "Delta Telecom" şirkətinin baş direktoru Ramazan Vəliyev bildirib.

Onun sözlərinə görə, analoji artım sürəti 2014-cü ildə də proqnozlaşdırılır. Proqnoz son istifadəçiyə çatdırılan trafikin həcminin göstəricilərinə əsaslanır ki, həmin göstərici 2013-cü ildə təxminən 43 faiz artıb.

Bir müddət əvvəl Vəliyev bildirmişdi ki, Azərbaycanın internet bazarı kəmiyyət baryerini keçib və keyfiyyətin yaxşılaşması astanasında dayanır. "Delta Telecom"un rəhbərinin fikrincə, keyfiyyətli inkişaf üçün əsas maneə öz yerini optik rabitə xətlərinə verməli olan mis kabel infrastrukturunun üstünlüyüdür.

Şirkət Bakıda optik-lif kabellərin çəkilişi üzrə genişmiqyaslı layihə reallaşdırır. Söhbət bir neçə yüz kilometr uzunluğunda kabel magistralından gedir ki, magistral paytaxtda binaların əksəriyyətini əhatə edəcək və beləliklə, internet istifadəçilərinin sayı artacaq.

Məqalədə:
Xəbər lenti

Xəbər lenti