Azərbaycan, Bakı, 19 avqust /Trend, müxbir Hüseyn Vəliyev/
Naxçıvan Muxtar Respublikasında (NMR) "NarTV" ticarət markası altında kommersiya televiziya paketinin tətbiq edilməsi 2014-cü ilin oktyabr ayına planlaşdırılıb. Bunu çərşənbə axşamı Trend-ə "B&BTV Communications" şirkətindən deyiblər.
"NarTV" xidməti "Azerfon" MMC ilə birgə tətbiq ediləcək. Rəqəmsal kontentin yayımı DVB-T2 standartında həyata keçiriləcək.
Qeyd edək ki, kommersiya pakeri 70 telekanaldan ibarət olacaq. Bura HD formatında yerli "Naxçıvan TV" telekanalı daxil edilib. Kommersiya paketinin minimum aylıq abunə ödənişi 7 manat təşkil edəcək. Rəqəmsal kontentin yayımlandığı antena Düzdağ telestansiyasında quraşdırılıb.
Hazırda Naxçıvan şəhərinin əhalisi sosial rəqəmsal paketdən istifadə edir. Bura bütün ümumrespublika telekanalları, Türkiyənin TRT telekanalı və 2 yerli telekanal ("Kanal-35" və "Naxçıvan TV) daxildir.
