Azərbaycan, Bakı, 3 sentyabr /Trend, müxbir Hüseyn Vəliyev/
Rabitə və Yüksək Texnologiyalar Nazirliyi "Azerspace-2" - II telekommunikasiya peyki üçün orbital mövqeni icarəyə götürmək niyyətindədir. Trend-in məlumatına görə, bunu çərşənbə günü jurnalistlərə rabitə və yüksək texnologiyalar naziri Əli Abbasov deyib.
Onun sözlərinə görə, aşağı orbitli peyk 2017-ci ildə orbitə çıxarılacaq: "Azərbaycana məxsus orbital mövqelərin koordinasiyası məsələsində problem olduğuna görə xarici ölkələrin orbital mövqeyini uzunmüddətli icarəyə götürmək haqqında qərar qəbul olunub".
"Azerspace-2" aşağı orbitli peykinin tikintisi ilə bağlı tenderin qalibi yaxın vaxtlarda elan ediləcək. Peykin tikintisinə 30 ay vaxt ayrılıb. Tenderdə 6 şirkət iştirak edir.