Bakı. Trend:
Böyük Britaniyanın "Entrust" şirkəti və "AzInTelecom" arasında əməkdaşlığa dair memorandum imzalanıb.
Trend xəbər verir ki, bu barədə rəqəmsal inkişaf və nəqliyyat naziri Rəşad Nəbiyev "X" hesabında paylaşım edib.
"Böyük Britaniyaya səfər çərçivəsində rəqəmsal identifikasiya, elektron imza, kriptoqrafik həllərin yaradılması üzrə ixtisaslaşmış qlobal texnologiya şirkəti “Entrust”ın nümayəndələri ilə görüş keçirdik. Görüşdə Azərbaycanın rəqəmsal transformasiya və süni intellekt strategiyası çərçivəsində milli rəqəmsal identifikasiya, elektron imza və kibertəhlükəsizlik infrastrukturunun gücləndirilməsi istiqamətində aparılan tədbirlər barədə məlumat verdik və “Entrust” ilə indiyə qədər olan və gələcək əməkdaşlıq perspektivlərini müzakirə etdik. Sonda "Entrust" və "AzInTelecom" arasında əməkdaşlığa dair memorandum imzalandı", - paylaşımda qeyd edilib.