Azərbaycanın poçt sitseminin inkişafı üçün kreditin ayrılması ilə əlaqədar Dünya Bankının (DB) missiyası oktyabrın 8-dən 16-na kimi Bakıda olacaq. DB-nın Bakıdakı nümayəndəliyindən Trend ə verilən məlumata görə, bankın mütəxəssisi Sonya Brayoviç-Bratanoviçin rəhbərlik etdiyi missiyanın səfərində məqsəd, kredit çərçivəsində texniki mərhələni yerinə yetirməkgən, eləcə də müvafiq tenderlərin elan edilməsindən və s.-dən ibarətdir. Laiyhə çərçivəsində burada 5-6 tenderin keçirilməsi planlaşdırılır.
Rabitə və İnformasiya texnologiyaları Nazirliyindən bildiriblər ki, artıq bu istiqamətdə bütün hüquqi proseduralar yerinə yetirilib. "DB-nın kreditin məbləği hələ müəyyən edilməyən ilk tranşını cari ilin oktyabrında təqdim edəcəyi gözlənilir", - deyə dövlət strukturundan bildiriblər.
Nazirlikdə belə hesab edirlər ki, layihə üzrə vəsait kreditin layihəsindən asılı olaraq mərhələli şəkildə veriləcək. Layihənin həyata keçirilməsindən sonra Azerpoct Dövlət Müəssisəsi (DM) müvafiq status alacaq və maliyyə, bank xidmətləri və digərlərinin yerinə yetirilməsinə görə ödənişlər üçün milli sistemə qoşulacaq. Bu layihə çərçivəsində yerinə yetiriləcək tədbirlər zamanı 1000-ə yaxın yeni iş yerinin açılması nəzərdə tutulub.
Layihə 2005-2008-ci illərdə Azərbaycanda rabitə və telekommunikasiya sistemlərinin inkişafı üzrə dövlət proqramı çərçivəsində həyata keçiriləcək. 3 illik layihənin ümumi dəyəri 17,5 milyon dollar təşkil edir, kreditin12,25 milyon dollarını DB, qalan hissəsini isə Azərbaycan hökuməti maliyyələşdiriləcək.
Dünya Bankının maliyyə xidmətlərinin inkişafı proqramına daxil olan Azərbaycanın poçt sisteminin inkişafı üzrə kredit layihəsi mayın 24-də Rabitə və İnformasiya texnologiyaları Nazirliyində imzalanıb. Sənədi Azərbaycanın rabitə və informasiya texnologiyaları naziri Əli Abbasov və Dünya Bankının tərkibinə daxil olan Beynəlxalq İnkişaf Assosiasiyasının Bakı ofisinin rəhbəri Əhməd Cahani imzalayıb.
