2005-ci ilin yanvar -noyabr ayları ərzində Rabitə və İnformasiya texnologiya Nazirliyi tərəfindən bütün respublika üzrə 140 715 telefon nömrəsi istifadəyə verib. Nazirliyin maliyyə, uçot və iqtisadiyyat şöbəsindən Trend ə verilən məlumata görə, onlardan 70 646 nömrə Aztelekom İstehsalat Birliyinin və 70 069 nömrə isə Baki Telefon Rabitəsi İB-nin payına düşür.
Nazirlikdən qeyd ediblər ki, nömrələrin çoxaldılması həm paytaxtda, həm də yerlərdə ATS-nın elektron ATS-ə çevrilməsi hesabına mümkün olub.
İndiyə kimi bütün ölkə üzrə 100-dən artıq rabitə obyekti istismara verilib.
Hazırda Nazirliyin müəssisələrində ölkənin regionlarında rabitənin elektronlaşdırılması üzrə işlər həyata keçirilir. Bütün bu tədbirlər 2004-2008-ci illərdə regionların sosial-iqtisadi inkişafı üzrə Dövlət proqramı üzrə həyata keçirilir.
