Tarif (qiymət) Şurası beynəlxalq danışıqların tariflərinin dəyişdirilməsinə dair Rabitə və İnformasiya Texnologiyaları nazirliyinin təkliflərini nəzərdən keçirir. Bu barədə Trend ə nazirlikdən məlumat verilib.
Təkliflər nazirlik tərəfindən 2 paket əsasında hazırlanıb. Birinci təkliflər paketinə əsasən, yerli danışıqlara görə abunəçi ödənişinin 3300 manatdan 10 000 manata kimi artırılması nəzərdə tutulur ki, bu da beynəlxalq danışıqların tariflərini 40%-ə qədər azaltmağa imkan verəcək.
İkinci təkliflər paketində əhalinin az təminatlı təbəqəsinin maraqları nəzərə alınıb. Əvvəlcə yerli danışıqlara da limit qoyulması nəzərdə tutulurdu, lakin bu sistemin tətbiqi nəticəsində yaranmış texniki məsələlərlə əlaqədar yerli danışıqlara abunəçi ödənişinin artırılması məqsədəuyğun hesab edilib.