Yanvar-fevral ayları ərzində Azərbaycanda rabitə sahəsində 70,1 mln. manat həcmində xidmət göstərilib ki, bu da 2005-ci ilin analoji dövrü ilə müqayisədə 26,5% çoxdur. Bu barədə Trend Dövlət Statistika Komitəsinə istinadən bildirir.
Bundan 24,5 % xidmət dövlət müəssisələri, 75,5 % özəl müəssisələr tərəfindən göstərilib ki, bu həcm də müvafiq olaraq 15,2% və 30,6 % təşkil edir. Bununla əhaliyə göstərilən rabitə xidmətləri göstərilən ümumi rabitə xidmətinin 78,2%-ni təşkil edib.
Mobil rabitədən alınan gəlirlər ötən illə müqayisədə 31,7% artıb və 47,9 mln. manat göstəricisinə çatıb.
Azərbaycanın regionlarında rabitə sahəsində vəziyyətə gəlincə, burada da xeyli dərəcədə artım müşahidə olunur. Göstərilən telekommunikasiya xidmətlərinin həcmi Abşeron iqtisadi zonasında 5,5%, Quba-Xaçmazda 11,1%, Şirvanda 11,7%, Şəki-Zaqatalada 26,5%, Gəncə - Qazaxda 37,1%, Naxçıvanda 6,4% və Lənkəranda 9,9% yüksəlib.
Azərbaycan Milli Bankının məlumatına görə, 22.03.06 tarixində dolların manata olan rəsmi məzənnəsi 4552 manat (0,9104 AZN) təşkil edib.
