Azərbaycan Milli Elmlər Akademiyasının İnformasiya Texnologiyaları İnstitutu (İTİ) telefon xidməti operatorları üzərində nəzarət sisteminin tətbiq edilmə layihəsinin təqdim edilməsinə hazırlaşır. İnstitutun mütəxəssisi Bikəs Ağayevin Trend ə verdiyi xəbərə görə, Aztelekom İB-nin sifarişi ilə İTİ tərəfindən hazırlanmış sistem artıq tətbiq olunub.
Onun sözlərinə görə, hazırda təqdim olunmaya hazırlıq gedir, o cümlədən, bukletlər, materiallar artıq hazırdır, institutun fəaliyyəti barədə sənədli filmin çəkilişləri aparılır.
Sistem operatorlar tərəfndən abunəçilərə on-line rejimində göstərilən rabitə xidmətləri üzrə bütün həyata keçirilən əməliyyatların qeyd olunduğu məlumatlar bazasından ibarətdir. İrəlidə bu sistemin ölkədə genişləndirilməsi və onların Bakıda vahid mərkəzləşdirilmiş şəbəkəyə qoşulması mümkündür.
Yeni sistem vasitəsilə göstərilən xidmətlərin keyfiyyətini və fəaliyyəti mükafatlandırılan ən yaxşı işçiləri müəyyən etmək olar ki, bunun sayəsində də bu sahədə yüksək keyfiyyətli xidmətlərin göstərilməsi üçün stimul yarana bilər.
Təqdim etmə mərasimində İTİ direktoru Rasim Əliquluyevin, İB başçısı Məhəmməd Məmmədovun, Rabitə və informasiya texnologiyaları nazirliyinin, həmçinin İT şirkət nümayəndələrinin iştirakı gözlənilir.
B.Ağayev bildirib: "Təqdim etmə mərasimi əvvəlcə may ayının sonuna nəzərdə tutulmuşdu, lakin bəzi səbəblərdən bu mərasim iyun ayına keçirilib".
