Əmək və Əhalinin Sosial Müdafiəsi Nazirliyinin korporativ şəbəkəsinin yaradılması qiymətlərinə dair sorğuya Smart Systems Technology şirkəti tərəfindən verilən təkliflər Dünya Bankı tərəfindən məqbul sayılıb. Bu barədə Trend ə şirkətin marketinq üzrə meneceri Sübhan Qaragöz bildirib.
Onun sözlərinə görə, təklifləri nəzərdən keçirdikdən sonra bank nazirliklə Smart arasında sazişin imzalanmasını təsdiqləyib.
"Hazırda qısa müddətdə imzalanması planlaşdırılan müqavilə ilə bağlı müzakirələr gedir" - deyə şirkətin nümayəndəsi qeyd edib.
Şəbəkə "Pensiya və sosial təminat" layihəsi çərçivəsində yaradılacaq. Bunun üçün Beynəlxalq İnkişaf Assosiasiyası nazirliyə $5 mln. vəsait ayırıb.
