Azərbaycanın Rabitə və İnformasiya Texnologiyaları Nazirliyi "Kaspian" Beynəlxalq İnformasiya Texnologiyaları Universitetinin yaradılması layihəsi üzrə sənəd və tövsiyələrin hazırlanmasına başlayıb. Bu barədə Trend ə nazirlikdən məlumat verilib.
Nazirlik artıq İsveçin İT üzrə "Çalmers" universiteti ilə Bakıda təhsil müəssisəsinin yaradılması haqqında saziş imzalayıb. Sazişə əsasən, İsveçin "Eriksson" şirkəti 1-ci mərhələdə universitetin platformasının yaradılması üçün böyük məbləğdə qrant ayıracaq.
Bu işlər "Çalmers" universiteti və Azərbaycanın Rabitə Nazirliyi ilə Təhsil Nazirliyi arasında imzalanmış niyyət protokolu çərçivəsində həyata keçirilir.
