A3COM şirkətinin Azərbaycanda rəsmi tərəfdaşı olan Caspel şirkəti Wi-Max və Wi-Fi İnternet xidmətlərini tətbiq etmək niyyətindədr. Şirkətin baş meneceri Mübariz Piriyevin Trend ə verdiyi məlumata görə, şirkət xidmətlərin göstərilməsinə 2007-ci ilin yzından başlamağı planlaşdırır.
Wi-Fi (Wireless Fidelity) IEEE 802.11b standartlı radiokanallarla rəqəm məlumatlarının ötürülmə formatlarından biridir. Bu, istifadəçilərin kollektiv surətdə internet şəbəkəsinə qoşulmasına imkan verən dünyada geniş yayılmış texnologiyadır. Bu texnologiya bazasında mehmanxana, kafe, restoran və ya biznes-mərkəzə baş çəkən istənilən şəxs İnternet şəbəksinə sürətli qoşulma imkanı və müvafiq olaraq yerdəyişmə azadlığı (hot-spot çərçivəsində) əldə edir. Wi-Fi modulu ilə təchiz olunmuş portativ kompüter sahibi (noutbuk və s.) ayrılmış güclü xəttin qabiliyyəti (saniyədə 11 Mbit-dək) ilə müqayisə olunan sürətlə İnternetə qoşula bilər bu halda İnternet şəbəkəsinə qoşulma naqil və modemlərdən istifadə edilmədən həyata keçirilir və bu, istifadəçinin şəbəkəyə qoşulmasını xeyli asanlaşdırır.
Wi-Max (Worldwide Interoperability for Microwave Access) - simsiz rabitə standartının 2003-cü ildə qəbul edilmiş kommersiya "adıdır" və tərkibinə onlarla tanınmış şirkətin daxil olduğu sənaye qrupu tərəfindən dəstəklənir.
