Yanvarın 16-21-də Azərbaycanın nümayəndə heyəti Beynəlxalq Xəzər IT universitetinin yaradılması üzrə görüşlərdə iştirak etmək üçün İsveçə səfər edəcək. Bu barədə Trend ə çərşənbə axşamı Rabitə və İnformasiya Texnologiyaları Nazirliyindən məlumat verilib.
Nümayəndə heyətinə universitetin yaradılması üzrə təşkilat komitəsinin üzvləri daxil olacaq.
2006-cı ilin avqust ayında Rabitə Nazirliyində protokol - Beynəlxalq Xəzər IT texnologiyalar universitetinin yaradılması üzrə təşkilat komitəsi və Höteburqda yerləşən Çalmer Texnoloji universitetin İnformasiya Texnologiyaları Universiteti arasında saziş imzalanıb.
Sənədə Universitetin yaradılması üçün platformanın hazırlığı üzrə əməkdaşlığın dəstəklənməsi daxildir. Platformada təhsilin müasir proqramlar üzrə bakalavr, magistr dərəcələri üzrə mütəxəssis hazırlığı, texnoloji məzsunlu treninq metodlarının və tədris proqramlarının yaradılması, yüksək ixtisaslı elmi və pedaqoji kadr hazırlığı, həmçinin multimediya və müasir texnologiyalara əsaslanmış maddi-texniki baza strukturunun yaradılması nəzərdə tutulub.
Səfər zamanı protokolda nəzərdə tutulmuş tədbirlərin gələcəkdə reallaşdırılması müzakirə ediləcək.