Azərbaycan, Bakı / Trend / Azərbaycanın dövlət rabitə müəssisələri olan "Baktelekom" İB və "Aztelekom" İB may ayında yeni obyektlər istifadəyə verib. Bu barədə Rabitə və İnformasiya Texnologiyaları Nazirliyinin mətbuat xidmətinin yaydığı məlumatda bildirilir.
"Baktelekom" İB Binə qəsəbəsində tutumu 880 nömrə olan elektron ATS, Mərdəkan qəsəbəsində, paytaxtın Azadlıq prospekti və U.Bunyadzadə küçəsində tutumu 896 nömrə olan ATS-lər istifadəyə verib. Qurum həmçinin Bakının 7-ci mikrorayonunda tutumu 880 nömrə olan stansiya quraşdırıb.
Biləcəri qəsəbəsində isə tutumu 5504 nömrə olan NGN stansiyaları istifadəyə verilib. Savalan qəsəbəsinə gəldikdə isə, burada tutumu 1024 nömrə olan ATS Karel quraşdırılıb.
Azərbaycan bölgələrində isə "Aztelekom" İB kənd EATS -lərini istifadəyə verib. Bu stansiyalar Samux, Bərdə, Ağstafa, Şəmkir, Balakən, Neftçala, Abşeron, Masallı, Tərtər və Oğuzda quraşdırılıb.
