Azərbaycan, Bakı/ Trend müxbir S.Babayeva/ Azərbaycanın rabitə və informasiya texnologiyaları milli rabitə peyki AzərSat-ın buraxılışında dövlət vəsaitlərindən istifadə etmək istəmir. Bunu çərşənbə axşamı rabitə naziri Əli Abbasov bildirib.
Onun sözlərinə görə, layihənin iqtisadi əsaslarla, iri maliyyə təşkilatlarının cəlb olunması ilə həyata keçirilməsi nəzərdə tutulub.
"Bu gün onların bəziləri ilə danışıqlar aparılır",-deyə Abbasov söyləyib.
AzərSat layihəsi 80-100 mln. dollar dəyərində qiymətləndirilir. Onun əhatə dairəsinə isə Avropa və Asiyanın bir hissəsi - Qazaxıstan, Türkmənistan və İran daxildir.
Hazırda AzərSat layihəsi üzrə nazirlikdə beynəlxalq təşkilatların nümayəndələrinin də iştirak etdiyi xüsusi işçi qrupu fəaliyyət göstərir.
2008-ci ildə Azərbaycan peyk üçün orbitdə yer almağı planlaşdırır. Onun buraxılışı isə 2010-cu ildə mümkündür.
Azərbaycan bu peykin gücünün bir hissəsini satmaq niyyətindədir. Belə ki, ölkə yalnız bunun 20-25 faizindən istifadə etmək gücündədir.