Azərbaycan, Bakı, 26 aprel / Trend, müxbir Ə.Həsənov /
Azərbaycanın Məcburi Köçkünlərin Sosial İnkişafı Fondu (MKSIF) Dünya Bankının (DB) Azərbaycanda məcburi köçkünlərin həyat şəraitinin və gəlirlərinin yaxşılaşdırılması üzrə layihəsi çərçivəsində menecerlər cəlb edir. Bu barədə fondun çərşənbə günü rəsmi mətbuatda dərc olunmuş məlumatında deyilir.
Layihə çərçivəsində aşağıdakı mütəxəssislər tələb olunur:
- mikromaliyyələşdirmə proqramları üzrə menecer köməkçisi;
- mikrolayihələrin yerinə yetirilməsi üzrə texniki nəzarət menecerinin köməkçisi (iki vakansiya);
- mikrolayihələrin yerinə yetirilməsi üzrə regional texniki nəzarətçi (iki vakansiya);
- gənclərə dəstək və gəlirlərin təmin olunması proqramı üzrə menecer köməkçisi;
- gənclərə dəstək və gəlirlərin təmin olunması proqramı üzrə regional məsləhətçi.
Bu vakansiyalara iddiaçılar 8 may 2012-ci il saat 18:00-dək müvafiq sənədləri MKSIF-nin satınalmalar üzrə meneceri S.Əhmədova təqdim edə bilərlər. Ünvan: Bakı şəhəri, Tbilisi prospekti, 57 D. Əlaqə telefonu: (012) 431 8703; (012)431 8769.
Faks: (012) 431 8211, elektron ünvan: [email protected]
Tender ölkədə məcburi köçkünlərin həyat şəraitinin və gəlirlərinin yaxşılaşdırılması layihəsi çərçivəsində elan edilib. Bu layihənin reallaşdırılmasına ötən il DB 50 milyon dollar vəsait ayırıb. Layihənin ümumi dəyəri 78,5 milyon dollar təşkil edir.
