Azərbaycan, Bakı, 4 may /Trend, müxbir H. Vəliyev/
Azərbaycan Mərkəzi Bankı (AMB) Azərbaycan İpoteka Fondunun uçot sisteminin avtomatlaşdırılması üçün proqram tıminatının satın alınması ilə bağlı tender elan edib. Trend-in məlumatına görə, bu barədə cümə günü AMB-nin tender komissiyasının məlumatında deyilir.
Tenderdə iştirak haqqı 500 manatdır.
Tenderdə iştirak etmək üçün namizədin son il ərzində maliyyə durumu haqqında bank arayışı, vergi orqanlarından isə vergi və digər cari öhdəliklər və s. üzrə vaxtı ötmüş borcların olmamasını təsdiq edən arayış təqdim edilməlidir.
İştirakçıların tender təklifləri və bank zəmanəti 22 iyun saat 18:00-dək AİF-in inzibati binasında qəbul edilir. Tender proseduru 25 iyun saat 15:00-da baş tutacaq.
Tender haqqında əlavə məlumatı 441-24-23 (daxili nömrə 133) telefon nömrəsilə əldə etmək olar. Əlaqələndirici şəxs: Mətin Hacıyev.
