Azərbaycan, Bakı, 20 sentyabr /Trend, müxbir E.Əliyev/
Balakən Rayon İcra Hakimiyyəti Tarlar kənd 280 şagird yerlik tam orta məktəbin tikintisi ilə bağlı tender élan edib. Trend-in məlumatına görə, bu barədə Tender Komissiyasının cümə günü "Respublika" qəzetində dərc olunan məlumatında bildirilir.
Tenderdə iştirak haqqı 150 manat təşkil edir.
Tender təklifi (zərflərin açıldığı gündən ən azı 30 bank günü müddətində qüvvədə olmalıdır), tender təklifi qiymətinin bir faizi həcmində (təklifin təminatı) bank zəmanəti (zərflərin açıldığı gündən ən azı 60 bank günü qüvvədə olmalıdır) ilə birgə 30 oktyabr 2013-cü il tarixi saat 16:00-dan gec olmayaraq Tender Komissiyasına təqdim edilməlidir.
Tender zərfləri 31 oktyabr 2013-cü il saat 11:00-da Balakən Rayon İcra Hakimiyyətində açılacaq.