Azərbaycan, Bakı, 11 iyun /Trend, müxbir Z.Qurbanova/
"Aqrolizinq" dövlət lizinq şirkəti iri və xırda buynuzlu mal-qaranın satın alınması üzrə tender elan edib. Trend-in məlumatına görə, bu barədə Tender komissiyasının çərşənbə günü rəsmi mətbuatda dərc edilmiş məlumatında deyilir.
Tender iki lot üzrə keçirilir: iri buynuzlu mal-qaranın satın alınması və xırda buynuzlu mal-qaranın satın alınması.
Məlumatda deyilir ki, təkliflərə baxılarkən aşağı qiymətlərə, satınalmanın ən qısa müddətdə yerinə yetirilməsinə və tələb olunan şərtlərə uyğunluğa üstünlük verilir.
Tenderdə iştirakın dəyəri 500 manatdır.
Dəyərinin iki faizi həcmində bank zəmanəti ilə əsaslandırılan tender təklifi iyulun 16-dək qəbul edilir. Təkliflərin açılışı 25 iyul 2014-cü ildə keçiriləcək.
Əlavə məlumat almaq üçün aşağıdakı ünvana müraciət etmək olar: Bakı şəhəri, Bakıxanov qəsəbəsi, Bünyadov küçəsi, 12.
Əlaqələndirici şəxs: Kamal İsmayılov;
telefon: 012-425-38-99
